Samrøðubólkar hjá felagnum

Aftrat hjálparbólkunum hevur Krabbameinsfelagið samrøðubólkar fyri fólki, sum eru sjúk ella hava verið sjúk, fyri avvarðandi og fyri tey, sum hava mist makan av krabbameini. Ráðgevarar hjá felagnum standa fyri samrøðunum. At hitta onnur í líknandi støðu kann gera stóran mun. Okkara royndir vísa, at tað hjálpir at práta við onnur, seta orð á, deila ymiskar upplivingar við onnur sum eru í somu støðu sum tú og skilja teg. Hetta minkar um óttan, og tú fært lættari greiði á tí, sum fyllir innaní av kenslum og tonkum. Lívsmót og lívsgóðska gerst størri, og dagligu avbjóðingarnar kunnu tykjast lættari.

Ring til okkum á  317959 og hoyr nærri um samrøðubólkar, ella send okkum ein teldupost á kmf@krabbamein.fo.