Donsk sjúkujournal

Hevur tú verið í Danmark til viðgerð? So kanst tú fáa atgongd til tína donsku sjúkujournal á netinum.

Á sundhed.dk finnur tú tína sjúkujournal. Her kanst tú eisini síggja svar uppá kanningar, eisini av royndum tiknar í Føroyum, ið verða sendar til danmarkar. Legg tilmerkis at tú kann síggja svar uppá kanningar, áðrenn læknin hevur hugt eftir svarinum og kunnað teg, og tí er týdningarmikið at tú hugsar teg um áðrenn tú velur at hyggja at svarinum. Tað kann vera eitt svar, sum tú ikki hevur fakligan kunnleika at lesa/skilja og tískil kann tað skapa óneyðugan ótta. Tænastan sundhed.dk er eisini at fáa sum ein app, hon eitur MinSundhed og fæst bæði bæði til Apple og Android. Heimasíðuna Sundhed.dk finnur tú her sundhed.dk - Få klare svar om din sundhed.

Hevur tú MitID er tað lætt at fáa atgongd til tænastur sum borger.dk og Sundhed.dk. Tú fert bara inn á heimasíðunar og innritar. Hevur tú ikki MitID kanst tú fylgja vegleiðingini niðanfyri.

Fyri at kunnu hetta er neyðugt at hava eitt danskt CPR-nummar. Hevur tú búð í Danmark, so hevur tú eitt danskt CPR-nummar, nú manglar tú bara MitID. Her kanst tú søkja um MitID við brúk av passið Få MitID med pas - Kom i gang med MitID - MitID.  Um tú hevur NemID, so kann hetta eisini nýtast at søkja um MitID við. Tað kanst tú gera her Få MitID med NemID - MitID.

Um tú ikki hevur eitt CPR-nummar, so ber til at fáa tað, við at venda sær til Ríkisumboðsmannin og fáa hjálp har. Oyðublað at fylla út finnur tú her CPR-nummer - (rigsombudsmanden.fo).

Um tú hevur trupulleikar at søkja um MitID, ber til at venda sær til Ríkisumboðsmannin og fáa hjálp har.  Oyðublað at fylla út finnur tú her MitID - (rigsombudsmanden.fo).

Tá tú hevur fingið MitID, ber til hjá tær, at fáa tær brúkara á borger.dk og Sunhed.dk.

Á borger.dk finnur tú alt, sum er skrásett um teg í danska systeminum, umframt at tú móttekur talgildan post. Her fært tú innkallingar og aðra kunning frá donskum sjúkrahúsum. Heimasíðuna Borger.dk finnur tú her borger.dk - Din indgang til det offentlige