Rørslutilboð hjá Krabbameinsfelagnum eru fyri øll, sum hava ella hava havt krabbamein og teirra avvarðandi. Dentur verður lagdur á venjingar, sum geva styrki og konditión.

 

Krabbamein rakar ikki bert tann sjúka, men alla familjuna. Tí er tilboðið skipa soleiðis, at  familjan hevur møguleika at vera við og har tey kunnu vera saman um at venja. Hetta verður ein løta, har til ber at hava tað stuttligt, mennandi og samstundis koma í betri venjing.

 

Tað er ókeypis at luttaka!

 

Rørsla og styrkivenjing hevur stóran týdning, bæði likamliga og sálarliga. Ítróttur og rørsla betra um útlitini fyri at gerast frísk/ur, samstundis, sum tað gevur styrki at standa ímóti hørðu viðgerðini.

 

Les eisini: Fimleikurin gevur mær orku

 

Rørslutilboð:

 

Rørslutilboðið saman við fysioterapeuti í Tórshavn er fari í summarsteðg: Vant verður í fimleikarhøllini í Sankta Frans skúla fríggjadagar frá kl. 17.00 - 18.00, venjari er Beinta Malena Sørensen, fysioterapeutur. 

 

Rørslutilboð í Suðuroy (Byrjar aftur 17. september kl. 15.30): Vant verður á fysiurgisku deild á Suðuroyar sjúkrahúsið mánadagar frá kl. 15.30 til 16.30, venjari er Sára Olsen, fysioterapeutur. 

 

Qigong í Tórshavn er fulltekna í løtuna, men til ber at skriva seg upp til skeiðið í heyst: Vit venja í Grønlendingahúsinum á Jøkulstræti 8, Tórshavn, mánadagar frá kl 13.15 - 14.30, undirvísari er Kirstin Ellingsgaard, útbúgvin qigongvenjari. 

 

Ynskir tú at hoyra nærri um fimleikin ella hevur tú spurningar til tilboðini hjá Krabbameinsfelagnum kanst tú seta teg í samband við okkum við at ringja 317959 ella umvegis teldupost kmf@krabbamein.fo

 

FRÀ LUTTAKARA:

“Síðani eg byrjaði at gera fimleik havi eg fingið tað nógv betur - eg orki alt betri. Eg síggji ljósari uppá tað heila, av at vera saman við fólki, sum eru í somu støðu sum eg.   Og so er tað hitin, sum er millum okkum øll.”

Kvinna

 

FRÀ LUTTAKARA:

“Fimleikurin hevur gjørt sera stóran mun kropsliga, og tá fylgir tað sálarliga eisini við positivt.”

Maður