Fíggjarligur stuðul
Krabbameinsfelagið hevur tveir grunnar har til ber at søkja um fíggjarligan stuðul.
Hjálpigrunnurin hjá Krabbameinsfelagnum
Krabbameinssjúklingar kunnu fáa fíggjarligan stuðul úr Hjálpargrunninum hjá felagnum, um peningur er tøkur í grunninum. Stuðulin verður veittur eina ferð til fólk, ið eru fastbúgvandi í Føroyum og sum hava verið í viðgerð seinastu tvey árini. Hjálpigrunnurin hjá Krabbameinsfelagnum verður stjórnaður av einari 3-manna nevnd. Formaðurin í Krabbameinsfelagnum er fastur limur og ein av nevndarlimunum skal verða lækni.
Team Rynkeby Føroyar Grunnurin
Familjur at børnum við lívshættisligum sjúkum kunnu fáa stuðul úr Team Rynkeby Føroyar Grunninum. Team Rynkeby Føroyar Grunnurin verður stjørnaður av eini 3-manna nevnd. Formaðurin í Krabbameinsfelagnum er fastur limur og ein av nevndarlimunum skal verða lækni.
