Fíggjarligur stuðul
Krabbameinsfelagið hevur tveir grunnar har til ber at søkja um fíggjarligan stuðul.
Hjálpigrunnurin hjá Krabbameinsfelagnum
Hjálpigrunnurin hjá Krabbameinsfelagnum verður stjórnaður av einari 3-manna nevnd. Formaðurin í Krabbameinsfelagnum er fastur limur og ein av nevndarlimunum skal verða lækni. Krabbameinssjúklingar kunnu fáa fíggjarligan stuðul úr Hjálpargrunninum hjá felagnum, um peningur er tøkur í grunninum. Stuðulin verður veittur eina ferð til fólk, ið eru fastbúgvandi í Føroyum og sum hava verið í viðgerð seinastu tvey árini.
Team Rynkeby Føroyar Grunnurin hjá Krabbameinsfelagnum
Barnakrabbi er ein álvarslig sjúka. Men viðgerðarmøguleikarnir eru batnaðir seinnu árini, so umleið 80 prosent av teimum børnum, ið fáa staðfest krabbamein, yvirliva.
Summi børn, sum liva við sjúkuni, liva restina av lívinum við fylgjunum av viðgerðini. Nøkur verða lívsør, onnur missa limir, nøkur fáa so álvarsligan heilaskaða, at tey fara ongantíð at kunna liva eitt vanligt lív.
Tann ovurstóra avbjóðingin í at basa sjúkuni er, at barnakrabbi er ikki sum krabbi hjá vaksnum. Í roynd og veru vita granskarar ikki, hví børn fáa krabbamein. Tørvur er á miðvísum granskingararbeiði í barnakrabba, fyri at menna betri og mildari viðgerðarhættir, so børnini ikki einans yvirliva - men kunnu liva eitt vanligt lív.
Øll børn í føroyum sum fáa staðfest krabbamein skulu av landinum til viðgerð. Hetta kann gerast ein stórur fíggjarligur smeitur fyri alla familjuna. Til ber hjá familjum at krabbameinsraktum børnum at søkja um fíggjarligan stuðul úr Tema Rynkeby Føroyar Grunninum hjá Krabbameinsfelanugm.
