Team Rynkeby

Team Rynkeby er eitt norðurlendskt vælgerðar súkklulið, sum á hvørjum ári súkklar til París at savna inn pening til børn við álvarsligum sjúkum og familjur teirra.

Team Rynkeby varð stovnað í 2002, tá ið 11 motiónsúkklarar, sum høvdu tilknýti til danska djúsframleiðaran Rynkeby Foods A/S, gjørdu av at súkkla til París at síggja endan á Tour de France.

Rynkeby Foods var høvuðsstuðul á ferðini, og onnur virki stuðlaðu eisini. Fyrsta Team Rynkeby-liðið í søguni dugdi so væl at útvega stuðul, at tað hevði 38.000 DKK í avlopi, tá ið liðið kom aftur til Danmarkar viku seinni.

Peningin læt Team Rynkeby barnakrabbadeildini á Odense Universitetshospitali, og ein siðvenja sá dagsins ljós.

2.400 súkklarar í 8 londum

Team Rynkeby telur nú 2.400 rørslusúkklarar og 550 hjálparar deilt út á 59 ymisk lið úr Danmark (19 lið), Svøríki (16 lið), Norra (10 lið), Finlandi (8 lið), Føroyum (1 lið), Íslandi (1 lið), Týsklandi (2 lið), Sveis (1 lið) og eitt altjóða lið við luttakarum úr fleiri londum í Evropa.

LES MEIRA: Soleiðis sleppur tú við á Team Rynkeby.

Peningurin fer óskerdur til álvarsliga børn og familjur teirra

Meginpartin av einum ári skulu súkklararnir ikki bert vera førir fyri at súkkla teir stívliga 1.200 km til París - teir binda seg eisini at arbeiða fyri at útvega pening til børn við krabba og familjur teirra.

Rynkeby Foods A/S rindar allan vanligan kostnað, sum merkir, at peningurin, sum Team Rynkeby savnar í hvørjum einstøkum landi, fer óskerdur til Krabbameinsfelagið. Í Føroyum fer eisini ein partur til Børnecancerfonden. Hetta orsaka av at føroysk børn verða viðgjørd í Danmark og kunnu tí njóta ágóðan av limaskapi í Børnecancerfonden.

Í 2020 læt Team Rynkeby 65,5 mió. DKK til feløg - sum hjálpa álvarsliga sjúkum børnum og teirra familjum. 

Heimasíðuna hjá Team Rynkeby Føroyar finnur tú her