Tá onkur doyr - Vegleiðing frá skiftirættinum
Kelda:Sorenskrivarin í Føroyum
Tá fólk doyr heima er umráðandi at avvarðandi venda sær til Skiftirættin skjótast gjørligt og boða frá. Tað er skyldan hjá avvarðandi og verður hetta ikki gjørt kann tað taka longur tíð at fáa gjørt búgvi upp. Havast skal í huga at tá fólk doyr verða allar bankakontoir hjá viðkomandi, stongdar, eisini tær, ið møguliga eru felagskontoir. Tað er Skiftirætturin, ið ræður yvir virðum og ognum, sum tann deyði átti, til avgerð er tikin um, hvussu búgvið skal viðgerast.
Avgreiðsla í Skiftirættinum
Opið gerandisdagar 9-15
Telefon +298 35 84 00
Telefontíð í skiftirættinum
Til ber at venda sær til skiftirættin umvegis telefonina mánadag, týsdag, hósdag og fríggjadag kl. 9 – 12.
Uttan fyri telefontíðina kanst tú, um tín fyrispurningur ikki kann bíða, senda ein teldupost til okkum á sks@sorinskrivarin.fo. Minnist til at viðmerkja SKS-nr. um fyrispurningurin er um eitt mál, sum er í gongd. Tú verður síðani ringdur upp av einum starvsfólki í skiftirættinum.
