Í september 2008 fór ein arbeiðsbólkur, settur av landsstýrismanninum í heilsumálum, undir at gera eina krabbameinsætlan fyri Føroyar. Endamálið var:

- at lýsa verandi støðu viðvíkjandi krabbameinsviðgerð í Føroyum,

- at lýsa, hvørjar avbjóðingar eru fyri framman viðvíkjandi krabbameinsviðgerð í Føroyum,

- at gera tilmæli um eina samlaða strategi fyri fyribyrging, diagnostikk, kanning, viðgerð, rehabilitering og palliativan (linnandi) innsats av sjúklingum við krabbameini,

- at gera tilmæli um, hvørji tiltøk kunnu verða sett í verk fyri at styrkja um krabbameinsgranskingina í Føroyum

- at lýsa fyristingarligar, starvsfólkligar og fíggjarligar avleiðingar av uppskotunum.

Krabbameinsætlanin varð handað landsstýrismanninum hin 26. oktober 2009, og kann takast niður við at trýsta her.

17. februar 2010 legði landsstýrismaðurin krabbameinætlanina fram fyri løgtingið til aðalorðaskiftis. Framløguskrivið kann takast niður her.