Umsókn um fíggjarligan stuðul úr Hjálpigrunninum hjá Krabbameinsfelagnum
Krabbameinsfelagið kann veita fíggjarligan stuðul, m.a. úr hjálpargrunni felagsins.
Hjálpargrunnurin verður stjórnaður av einari 3-manna nevnd. Formaðurin í Krabbameinsfelagnum er fastur limur og ein av nevndarlimunum skal verða lækni. Krabbameinssjúklingar kunnu fáa fíggjarligan stuðul úr Hjálpargrunninum hjá felagnum, um peningur er tøkur í grunninum.
Stuðul kann verða veittur til sjúkligar, sum innanfyri 2 ár, hava verið í viðgerð fyri krabbamein. Umsøkjarin skal vera búsitandi í Føroyum. Stuðul kann søkjast m.a. til ferðaútreiðslur, hvíldarheimsuppihald og tá ein vegna sjúkuna, fær eyka útreiðslur ella vánaligar fíggjarumstøður.
Stuðulin, áljóðandi kr. 3.000,-, verður veittur eina ferð, og bert, um peningur er tøkur í grunninum.
Umsøkjarin skal, um nevndin fyri grunnin krevur hetta, geva upplýsingar, um fíggjarligu og sosialu støðu sína, og møguliga hjúnarfelagsins.
Nevndin kann krevja, at upplýsingarnar verða váttaðar av avvarandi mynduleika.
Soleiðis verða upplýsingarnar viðgjørdar
Um tú fær játta stuðul frá Krabbameinsfelagnum verða tínar upplýsingar goymdar í dátagrunni felagsins. Persónupplýsingar verða einans viðgjørdar og nýttar, við atliti til tína umsókn, í trúnaði og í samsvari við galdandi lóggávu um dátutrygd. Niðanfyri eru tíni rættindi lýst, og hví og hvussu tínar persónupplýsingar verða viðgjørdar:
Dátuábyrgdari:
Krabbameinsfelagið
Grønlandsvegur 58
Postsmoga 1216
FO-110 Tórshavn
Sum skrásett/ur hevur tú rætt til at fáa innlit í, hvat vit hava skrásett, fáa rættað skeivleikar og at fáa strikað ella avmarkað upplýsingarnar. Skriva til kmf@krabbamein.fo ella ring á telefon 317959 gerandisdagar millum 13.00 og 15.00.
2. Endamáli við viðgerðini av persónupplýsingunum
Upplýsingarnar verða brúktar fyri at kunna viðgera tína umsókn og fyri at kunna rinda út fíggjarligan stuðul
Krabbameinsfelagið viðger persónupplýsingar sum navn, sambandsupplýsingar, kontonummar, p-tal og upplýsingar um tína heilsustøðu. Krabbameinsfelagið hevur loyvi frá Dátueftirlitinum at savna inn og viðgera hesar upplýsingar, sum lýst í nr. 2.
3. Hvaðan koma upplýsingarnar?
Upplýsingarnar koma frá tær tá ið tú fyllir út skjal fyri at søkja um fíggjarligan stuðul.
Tú kann til eina og hvørja tíð spyrja um hvørjar upplýsingar vit hava um teg, fáa rættað skeivleikar og at fáa strikað ella avmarkað upplýsingarnar. Tað gert tú við at seta teg í samband við dagliga leiðaran á Krabbameinsfelangum, Jansy Gaardlykke á telefon 317959.
Um tú hevur spurningar til mátan vit goyma og nýta tínar upplýsingar kann tú seta teg í samband við okkum á kmf@krabbamein.fo. Um tú er ónøgd/ur við háttin við viðgera tínar upplýsingar, kann tú seta teg í samband við Dátueftirlitið á www.dat.fo ella á telefon 309100.
4. Hvussu leingi persónupplýsingarnar verða goymdar
Krabbameinsfelagið goymir tínar persónupplýsingar so leingi, tað er neyðugt sambært §13 í Løgtingslóg nr. 23 um bókhald “Tann bókhaldsskyldugi skal varðveita roknskapartilfarið á tryggan hátt í 5 ár frá endanum av tí roknskaparári, sum tilfarið viðvíkur. Tilfarið skal varðveitast soleiðis, at tilfarið í øllum varðveitslutíðarskeiðinum sjálvstøðugt og eintýtt kann verða funnið fram.“
5. Geva upplýsingar víðari
Krabbameinsfelagið gevur upplýsingarnar víðari til nevndina fyri Hjálpigrunnin hjá Krabbameinsfelagnum. Tað er nevndin, ið viðger og játtar/noktar umsóknina.
