Ríkissjúkrahúsið
Ríkissjúkrahúsið er størsta sjúkrahúsið í Danska kongaríkinum. Ríkissjúkrahúsið tekur sær av donskum, føroyskum og grønlendsum sjúklingum.
Sjúklingavegleiðing á Ríkissjúkrahúsinum
Sjúklingavegleiðarin kann m.a. hjálpa við at:
Vitja innlagdar sjúklingar
Vera hjásitari í samband við læknasamrøður
Hjálpa við at greiða misskiljingar millum sjúklingin og heilsuverkið
Upplýsa um kanning og viðgerð
Upplýsa um sjúklingarættindi
Vegleiða um klagu og endurgjalds møguleikar
Í einstøkum føri vera tolkur
Hjálpa við meiri kunning
Sjúklingavegleiðarin hevur eisini ein uppsøkjandi og samskipandi leiklut.
Uppgávan hjá sjúklingavegleiðaranum er eisini at fremja eitt gott samstarv í millum sjúklingahotellið Tórshavn, Ríkissjúkrahúsið og sjúklingar úr føroyum.
Faldarin hjá sjúklingavegleiðaranum sæðst her.
Annika Weihe nýggjur sjúklingavegleiðari og samskipari hjá føroyskum sjúklingum í Danmark
1. september 2017 var Annika Weihe sett sum nýggjur sjúklingavegleiðari og samskipari til føroyskar sjúklingar, sum fáa viðgerð í Danmark. Sum sjúklingavegleiðari hevur Annika Weihe skrivstovu til vinstru fyri informatiónina á Ríkissjúkrahúsinum. Skrivstovan er opin fyri viðtalu mánadag, týsdag, hósdag og fríggjadag millum kl. 10.00 og 12.00 og annars umvegis telefon. Hvønn mikudag er Annika á Sjúklingahotellinum, har hon hittir sjúklingar og avvarandi.
Umframt vegleiðandi funktiónina hevur Annika eisini eina samskipandi funktión, sum er at optimera sjúklingagongdir og at fara inn í aktuellar sjúklingagongdir, har ivamál eru.
Nýggi sjúklingavegleiðarin er útbúgvin sjúkrarøktarfrøðingur og hevur drúgvar starvsroyndir. Hon hevur arbeitt við cancer-, diabetes og pínusjúklingum og hevur eina eftirútbúgving sum onkologiskur sjúkrarøktarfrøðingur. Somuleiðis hevur hon eina Master i Sundhedsfremme frá 2015 og hevur harumframt verið við til at sett eitt diabetesambulatorie og eina pínuklinikk á stovn.
Sjúklingavegleiðarin hevur tilvísing til Sjúklingahotellið og Uttanlandstænastuna á Landssjúkrahúsinum.
Ríkissjúkrahúsið hevur eina síðu við kunning og samband til føroyska sjúklingavegleiðaran, sum finnist her.
Annika Weihe
Færøsk patientvejleder/koordinator
Rigshospitalet afsnit 4102
Blegdamsvej 9
DK-2100 København Ø
Tlf. +45 3545 8585
Mobil. +45 5120 1399
Skrivstovan hjá føroyska sjúklingavegleiðaranum liggur í forhøllini, til vinstru frá høvuðsdyrnum.
