Landspítali í Íslandi

Landssjúkrahúsið hevur avtalu við Landspítali í Íslandi um ávís sløg av viðgerðum sum ikki fáast í Føroyum.

Landspitalin er meginsjúkrahúsið í Íslandi við umleið 682 seingjarplássum. Á Landspítalinum eru umleið 4.500 starvsfólk og er tað størsta einstaka arbeiðsplássið í landinum. Landspitalin er eisini frálæru sjúkrahús við høgum yrkisligum førleikum ið veitir sjúklingum eina góða heilsutænastu á høgum stigi. Landspitalin leggur seg eftir at gera eitt dygdargott arbeiði, eitt trygt og virðiligt umhvørvi fyri sjúklingar, avvarðandi og starvsfólk. 

Sjúkrahúsið liggur miðskeiðis í Reykjavík og tí er stutt til alla tænastu.

Á heimasíðuni hjá Lanspítalinum hava tey gjørt eina føroyska undirsíðu. Síðan sæðst her.