SAMAN VIÐ ØÐRUM

At hava mist ella at eiga eitt barn við krabbameini, er ofta merkt av sorg, stúran og stórum máttloysi. 

Hóast stúranin, sorgin og máttloysið kunnu upplivast ymiskt, so kann tað, at vera saman við øðrum í somu støðu, geva kensluna av felagsskapi, sum kann sissa, kveikja vón og styrkja foreldrini í sváru støðuni. 
 

UM BÓLKIN

Foreldrabólkurin er ein sjálvhjálparbólkur hjá Krabbameinsfelagnum. Endamálið er at stuðla og ráðgeva foreldrum hvørs barn hevur ella hevur havt krabbamein og foreldrum, ið hava mist barn av krabbameini. 

Bólkurin leggur dent á hugna, nærveru og  at vera saman við øðrum, sum eiga eitt barn við krabbameini, ella hava mist eitt barn, og sum kenna til ta sorg og máttloysi, tað ber í sær.

Formaðurin í bólkinum tekur stig til fundir og hugnaløtur. Limirnir í bólkinum fáa innbjóðing við brævi ella telduposti. 
 
Tað er ókeypis at verða limur í bólkinum. 
 
Ynskir tú at gerast limur í bólkinum ella hevur tú spurningar til tilboðini hjá Krabbameinsfelagnum kanst tú seta teg í samband við okkum við at ringja 317959 ella umvegis teldupost kmf@krabbamein.fo