Til avvarandi, familju og vinir

Avvarandi, familja og vinir eru øll ein týdningarmikil partur, tá tað snýr seg um at stuðla og stimbra tann sjúka

• Gerið okkurt, sum fær sjúklingin í betri lag. Tað er ikki lætt hjá tí, ið er sjúkur og hevur vánaligan matarlyst, at koma við hugskotum sjálvur.

• Virðið ynskini hjá tí sjúka og latið hann/hana eta tað, honum/henni lystir.

• Havið okkurt freistandi við til tann sjúka, tá ið tit vitja, t.d. heimagjørdan mat, freistandi viðskera og eksotiskar fruktir.

• Takið tað ikki illa upp, tá ið tann sjúki ikki orkar at eta tað, tit hava við.

Matur, ið freistar eina løtu, hevur tann sjúki møguliga ikki hug til, tá hann/hon so fær matin. Løtu seinni kann støðan vera broytt, og hann/hon fær hug at royna kortini.

Um maturin ikki smakkar sum fyrr, ber til at gera royndir við ymsum kryddi eisini tílík, tú ikki vanliga nýtir. Rosmarin, oregano, kili, hvítleykur og basilikum

eru verd at royna.