Um bóklingin

Hesin bóklingur er ætlaður krabbameinssjúklingum og avvarðandi teirra. Vit vóna eisini, at tey,

ið ráðgeva krabbameinssjúklingum um kost, kunnu nýta bóklingin.Sjúklingar við krabbameini

hava ofta trupulleikar við at fáa nóg mikið og nóg góða føði. Hetta kann koma av sjúkuni ella

av hjáárinum av sjúkuviðgerðini. Tað er ymiskt hvussu leingi trupulleikarnir vara. At fáa staðfest

krabbamein kann eisini elva til strongd og ringan matarlyst. 

Tað hevur stóran týdning, at bæði sjúklingurin og avvarðandi fáa ráð og vegleiðing skjótast

tilber. Ein sjúklingur, íð fær nøkta tørvin á rætta kostinum og ikki lætnar, stendur seg betur

ímóti sjúkuni og teimum hjáárinum, ið eru tengd at viðgerðini.

Góð koststøða bøtur um líkindini fyri at hava tað gott, hóast sjúku og krevjandi viðgerð.

Góð koststøða bøtur eisini um mótstøðuførið ímóti ígerðarsjúkum, fyri ikki at fara aftur og

fyri óneyðugum missi av vitaminum og mineralum úr kroppinum. Er maturin ikki rætt samansettur,

kann tað føra til óvirkni, vónloysi og tunglyndi.Tað er torført at geva einfalda kostráðgeving.

Tað eru ymisk sløg av krabbameini, og tískil eru trupulleikarnir ymiskir, alt eftir hvussu sjúkan er.

Tey vanligu fyribrygdini eru: Ringur matarlystur, broyttur smakkur, turrur muður, sárur muður,

vaml, leyst lív og harður opningur.

Vit hava valt at viðgera hesar trupulleikar í bóklinginum.

Vit vísa á: Hvat slag av mati og drekka er best, tá ið sjúklingurin hevur hesar trupulleikar.

Hvat kann geva sjúklinginum betri matarlyst (frísk luft, rørsla, tónleikur o.a.)

Føðsluríkur matur hevur alstóran týdning fyri krabbameinssjúklingar. Tann rætti maturin ger

likamið ført fyri at byggja nýggjar kyknur og styrkja mótstøðuførið.