23-04-2014
Bót til Bata hjá Krabbameinsfelagnum skipar fyri hugnaløtu á Hotel Hafnia fyri kvinnum, sum eru ella hava verið sjúkar av krabbameini í brósti.
Á hugnaløtuni mikudagin 14. mai kl. 19.00 á Hafnia, fer Fía Lamhauge life coach og listterapeutur at luttaka og siga frá, hvussu listterapi kann vera ein háttur at stuðla undir lívsgóðsku, tá ið tú er ella hevur verið sjúk av bróstkrabba.
Turid Horn fer at siga frá, hvønn týdning tað hevði fyri hana at ganga til listterapi, aftaná hon hevði verið sjúk av bróstkrabba.
Høvi verður eisini til hugnaliga samveru og prát og sjálvsagt verður eisini ein góður drekkamuður at fáa.
Tiltakið er ókeypis.
Um tú ert áhuga at koma til hugnaløtuna, so vinarliga melda til tiltakið í seinasta lagið týsdagin 13. mai kl. 13.00, á telefon 317959 ella á mailadressu kmf@krabbamein.fo
Við vón um góða undirtøku
Vinarliga 
Heidi Hvidbro, forkvinna í Bót til Bata
Jansy Gaardlykke, dagligur leiðari
Krabbameinsfelagið
Á ovaru myndini sæst Heidi Hvidbro og Turid Horn, ávíkavist forkvinna og næstforkvinna í Bót til Bata. Niðara myndin er av Fíu Lamhauge, life couch og listterapeuti.
