09-12-2013
Skeið í andlitsrøkt
Skeið í andlitsrøkt og at leggja make-up fyri kvinnur við krabbameini:
Kom við og fá góð hugskot til tína persónligu húðrøkt.
Tað gleðir okkum á Krabbameinsfelagnum at kunna bjóða tær á eitt spennandi ókeypis skeið í andlitsrøkt og make-up tann 15. januar 2014. Skeiðið er fyri kvinnur við krabbameini, og eru tað dugnaligu starvsfólkini í Make-up Store í havn, sum fara at taka sær av undirvísinigini.
Tað gleðir okkum á Krabbameinsfelagnum at kunna bjóða tær á eitt spennandi ókeypis skeið í andlitsrøkt og make-up tann 15. januar 2014. Skeiðið er fyri kvinnur við krabbameini, og eru tað dugnaligu starvsfólkini í Make-up Store í Havn, sum fara at taka sær av undirvísingini
Vit vita øll, at krabbameinsviðgerð við til dømis kemoterapi og strálum kann ávirka okkara útsjónd. Hetta kann hava við sær broytta og neiliga kroppsuppfatan hjá tí einstaka. Tú kennir teg møguliga meira sjúka og troytta, enn tú í veruleikanum er, og kann hetta aftur tyngja títt sinn og tín dagligdag.
Tað gleðiliga er hinvegin, at tað veruliga er nógv, vit í dag kunnu gera fyri at kenna okkum betri. Nógv góð og brúkbar ráðgeving finst eftirhondini um bæði rørslu, kost, make-up, klæðir og annað, sum samanlagt kann viðvirka til, at tú, ið er rakt av krabbameini, fær tað betri kropsliga og sálarliga.
Vit á Krabbameinsfelagnum ynskja at hjálpa tær við at vísa á hesar møguleikar. Tí hava vit millum annað tikið stig til hetta skeiðið saman við Make-up Store.
Vit vilja hervið bjóða kvinnum, sum eru raktar av krabbameini á skeið í húð-, andlitsrøkt og at leggja make-up. Á skeiðnum fært tú hugskot, nýggjan íblástur og vegleiðing til tína persónligu andlitsrøkt og útsjónd.
Skeiðið verður í Make-up Store í Kongagøtu 6, 100 Tórshavn mikudagin 15. januar 2014 kl. 17.00 – 20.00.
Vinarliga boða frá luttøku hjá Krabbameinsfelagnum á tlf. 317959 ella umvegis teldupost kmf@krabbamein.fo
Vinarliga
Jansy Gaardlykke
Dagligur leiðari
