24-10-2013 14:20:00
Diana Strøm fyrsta lesandi á Krabbameinsfelagnum
Krabbameinsfelagið fegnast um at hava fingið sjúkrarøktarfrøðilesandi á felagið. Diana Strøm lesandi á 9. eind á Sjúkrarøktarfrøðiskúla Føroya, var í viku 39 í observatiónspraktikk á Krabbameinsfelagnum. Evni hjá henni var heilsufremjan og fyribyrgjandi sjúkrarøkt í samfelagsligum høpi og samfelagsins ábyrgd ímun til heilsu og fyribyrging.
Eitt av endamálunum hjá Krabbameinsfelagnum er at upplýsa um krabbamein og arbeiða fyribyrgjandi. Ráðgevingartænastan virkar eisini soleiðis, at vit kunnu hjálpa og síggja hvør tørvur er á hjálp og bata í samfelagnum. Høvi hevur verið hjá lesandi at sæð, hvussu vit arbeiða innan tað fyribyrgjandi, upplýsandi, og á hvønn hátt innsavnan av vitan kann brúkast í samfelagssligum høpi, til at síggja hvat tørvur er á og hvussu virkast kann fyri bata.
Tað hevur verið ein stór gleði fyri felagið, at hava havt Dianu í praktikk.