21-10-2013 10:35:00
Takk til SMS
Aftur í ár var 1. oktober skipað fyri spennandi kvøldsetu á Torginum í SMS, sum Bót til Bata hjá Krabbameinsfelagnum, sum hevur 25 ár á baki, saman við SMS skipaði fyri. Hetta er í samband við at oktober mánaði er altjóða mánaður, har ljós verður varpað á bróstkrabba.
Á kvøldsetuni, hevði Katrina Lindenskov Holm sálarfrøðingur fyrilestur um, hvussu krabbamein rakar alla familjuna. Petur Elias Nielsen segði frá, hvussu tað var at vera avvarandi hjá konu, sum hevði fingið staðfest bróstkrabba. Lív Næs og Tróndur Enni undirhildu við góðum sangi og tónleiki. Í steðginum varð ábit, sum Mylnan og SMS bjóðaðu. Kvinnurnar í Bót til Bata vóru at hitta til eitt prát, og tær seldu eisini bandana og oyralokkar, sum Mikkalina glas hevur gjørt. Peningurin fer óskerdur til gransking av bróskrabba og til arbeiði hjá Bót til Bata.
.
Krabbameinsfelagið ynskir hjartaliga at takka øllum, sum vóru við til at gera tiltakið so fjøllbroytt og væleydna.