14-09-2024
Undirlívsbólkurin bjóða til hugnaløtu týskvøldið 17. september kl.19.00
Kom til hugnaløtu saman við kvinnunum í undirlívsbólkinum hjá Krabbameinsfelagnum. Her er rúm fyri at tosa við aðrar kvinnur, sum eru í, ella hava verið í somu støðu sum tú, um tað sum fyllir júst nú.
Vit bjóða ein drekkamunn og tú er vælkomin at taka stokkarnar við. Vit hittast í hølunum hjá Krabbameinsfelagnum á Grønlandsvegi 58, í Havn, týskvøldið 17. september kl. 19.00.
Boða frá luttøku á telefon 317959 ella á kmf@krabbamein.fo innan mánadagin 16. september kl. 15.00.
Undirlívsbólkurin hjá Krabbameinsfelagnum er ein hjálparbólkur fyri kvinnur, sum hava ella hava havt krabbamein í undirlívinum.
