Eirikur Ó. Simonsen úr Prostatabólkinum, Armgarð Hammer úr Lip- og lymfødembólkinum og Finngerð Mikkelsen úr Bróstkrabbabólkinum Bót til bata, kunnaðu um hjálparbólkarnar og greiddu frá hvønn týdning bólkarnir hava fyri tey og hvat bólkarnir gera.

Anna Kristina Joensen, ráðgevandi sjúkrarøktarfrøðingur hjá Krabbameinsfelagnum, kunnaði um Krabbameinsfelagið og greiddi frá teimum mongu tilboðnum felagið hevur til krabbameinssjúklingin og familjuna.

Hjartans tøkk til stuðulsbólkin hjá Krabbameinsfelagnum fyri ein væl fyriskipaðan dag, alt frá byrjan til enda, var so einastandandi. Tað var so gleðiligt fyri okkum á Krabbameinsfelagnum, at vera við til hetta stórfingna tiltakið. Øll tit sjálvbodnu eru gull verd fyri Krabbameinsfelagið og gera at vit røkka fleiri fólkum, vit eru tykkum so sera takksom.

Takk til øll tykkum, sum stukku inn á gólvi, takk fyri stuðul, fyri hjálp, fyri bakstur, fyri framløgur, fyri framsýning á básunum, takk til øll, sum á ein ella annan hátt vórðu við til at gera hetta tiltakið so serstakt og væleydnað.

Krabbameinsfelagið