Møguliga er tað hetta, sum er orsøk til tølini, sum Gigni almannakunngjørdi í farnu viku, har staðfest verður, at fleiri gentur enn dreingir verða koppsett móti HPV.

Av teimum, sum vóru fødd í 2010 eru 95% av gentunum og 53% av dreingjunum koppsett.

- Tað, sum er jaligt við hesari koppseting er at dreingirnir síggja út til at fáa stórar fyrimunir eisini, sigur Katrin Kallsberg, lækni, sipandi til at talið av dreingjum, sum fáa prikini, ikki er eins høgt og tað hjá gentunum.

Fólk vóru annars varin, tá byrjað var at koppseta gentur fyri meira enn tíggju árum síðan, tí søgur um óhugnalig hjáárin gingu kykar, men hesar søgur hava sína orsøk sigur Katrin:

- Tá tú innførir nýggja medisinska viðger, so hevur tú serligt skerpað eftirlit fyri at finna útav, um har eru nøkur hjáárin. So kunnu fólk siga frá, um tey merkja hjáárin, fyri at tryggja, at man ikki útsetir frísk ung børn fyri nøkrum farligum.

Søgur um slík hjáárin vóru eisini í Føroyum, og tað gjørdi fólk varin, men sum tíðin er liðin hevur man sæð, at har er eingin øktur vandi. Heldur hevur man funnið útav, at fyrimunirnir eru nógvir, tí umframt at verja kvinnur fyri krabba í lívmóðirhálsinum, verjir koppsetingin dreingir fyri fleiri sløgum av krabba og forðar báðum kynum í at fáa kynsfinnur.

Hoyr samrøðuna her.

Kelda: Kringvarpið GMF