04-01-2024
Qigong skeið fyri fólk sum hava seinfylgjur orsakað av krabbameinssjúku og viðgerð
Krabbameinsfelagið skipar fyri Qigong skeiði fyri fólk sum hava seinfylgjur orsakað av krabbameinssjúku og viðgerð.
Skeiðið verður eina ferð um vikuna í 6 vikur og er ókeypis.
Vit venja í Grønlendingahúsinum á Jøkulstræti 8, Tórshavn, vit byrja mánadagin 15. januar kl 11.30 - 12.45, undirvísari er Kirstin Ellingsgaard, útbúgvin qigongvenjari.
Skeiði verður lagt til rættist eftir luttakarunum, har vit byrja varðliga fyri síðan at byggja kropp og sinn spakuliga upp. Luttakarnar fáa 2-3 venjingar við heim hvørja ferð, soleiðis at man heldur seg viðlíka í tí dagliga.
"Hvat er Qigong og hvat er tað gott fyri" ?
Tað stutta svarið er, at Qigong er ein fyribyrjgandi og heilsufremjandi rørsluvenjing sum hevur sín uppruna frá Traditionellari Kinesiskari Traditión, eins og acupunktur og Tai Chi. Qigongrørslurnar eru tvinnaðar saman við tí djúpa andadráttinum og hjálpa tær til eitt heilsugott lív.
Tú fert m.a. at leggja merki til hvussu tú styrknar, sleppur spenningum, kroppurin verður smidigari og tú far ein góðan kropsburð.Tær róligur rørslurnar saman við tí djúpa andadráttinum skapa ró, soleiðis at títt nervalag sissast og tú lærir betur og betur at varnast tínar góðu kropskenslur.
Her eru 10 ágóðar við at gera Qigong:
• styrkir kroppin
• minkar um strongd
• gevur betur svøvn
• gevur orku
• betrar um konditiónina
• sissar sinnið
• betrar um fokus
• fyribyrgir depressión
• loysir spenningar
• dempar pínu
• við til at betra tín kropsburð o.m.a.
Kom og royn Qigong saman við Kirstin Ellingsgaard frá Sansa og Krabbameinsfelagnum. Tað er ókeypis at luttaka. Hoyr nærri og melda til hjá Krabbameinsfelagnum á telefon 317959 ella við at senda okkum ein teldupost á kmf@krabbamein.fo.
