Rørslutilboð hjá Krabbameinsfelagnum eru fyri øll, sum hava ella hava havt krabbamein og teirra avvarðandi. Dentur verður lagdur á venjingar, sum geva styrki og konditión og tað er ókeypis at luttaka!

Rørsla og styrkivenjing hevur stóran týdning, bæði likamliga og sálarliga. Ítróttur og rørsla betra um útlitini fyri at gerast frísk/ur, samstundis, sum tað gevur styrki at standa ímóti hørðu viðgerðini.

Rørslutilboðið í Tórshavn: Vant verður í fimleikarhøllini í Sankta Frans skúla fríggjadagar frá kl. 17.00 - 18.00, venjari er Beinta Malena Sørensen, fysioterapeutur. 

Rørslutilboðið í Suðuroy: Vant verður á fysiurgisku deild á Suðuroyar sjúkrahúsið mánadagar frá kl. 16.00 til 17.00, venjari er Sára Olsen, fysioterapeutur. 

Ynskir tú at hoyra nærri um fimleikin ella hevur tú spurningar til tilboðini hjá Krabbameinsfelagnum kanst tú seta teg í samband við okkum við at ringja 317959 ella umvegis teldupost kmf@krabbamein.fo