Ferðin til París byrjar hósdagin 6. juli

Ferðin hjá Team Rynkeby Føroyar til París, byrjar hósdagin 6. juli. Høvi verður at heilsa súkklarum og hjálparfólki bon voyage ymsa staðni á leiðini 😊
Prologurin byrjar í Klaksvík og endar í Havn, hetta er skráin fyri dagin:
Kl. 10.30: Helnabrekka í Klaksvík
Kl. 11.20: Klaksvíkar sjúkrahús
Kl. 12.15: Býráðshúsið í Norðragøtu
Kl. 13.30: Undirhúsið á Toftum
Kl. 14.30: Betri í Saltangará
Kl. 16.35: við Margáir í Streymnesi
Kl. 19.05: Vaglið í Havn
Um náttina fer alt liðið, 63 súkklarar og 14 tænastufólk, umborð á Norrønu. Leygardagin á middegi leggur Norrøna at í Hirtshals, og so verður súkklað í eina heila viku. Á ferðini til París verður súkklað í Danmark, Týsklandi, Belgia og Fraklandi. Súkklararnir koma til París leygardagin 15. juli. Tá ið túrurin er liðugur, hava teir súkklað uml. 1350 km.
😊