Kom til hugnaløtu hjá bróstkrabbabólkinum Bót til Bata 

Hevur tú, ella hevur tú havt bróstkrabba? Hóskvøldið 6. juni kl. 19.00 skipar bróstkrabbabólkurin hjá Krabbameinsfelagnum fyri hugnaløtu á Grønlandsvegnum 58 í Havn.

Umframt hugna og prát kemur Anne Lisa Davidsen úr Lip- og lymfødembólkinum at greiða frá um lymfødem og um nýggjastu vitan og viðgerð fyri lymfødem.

Kom við og fá eitt prát við kvinnur, kvinnur sum eru í somu støðu, ella hava verið í somu støðu sum tú. Vit fáa eisini ein góðan drekkamunn.

Hugnaløtan verður hóskvøldið 6. juni kl. 19.00 á Grønlandsvegnum 58 í Havn.

Vinaliga boða frá luttøku á kmf@krabbamein.fo ella á telefon 317959, innan mikudagin 5. juni kl. 15.00, so vit vita hvussu nógvar vit skulu gera drekkamunn til.