Foreldrabólkurin hjá Krabbameinsfelagnum skipar fyri skeiði á Hotel Skálavík
Foreldrabólkurin hjá Krabbameinsfelagnum skipar fyri skeiði á Hotel Skálavík í vikuskiftinum 29. og 30. september.
Vikuskiftið er fyri foreldur, hvørs barn hevur ella hevur havt krabbamein og foreldur, ið hava mist barn av krabbameini.
At hava mist ella at eiga eitt barn við krabbameini, er ofta merkt av sorg, stúran og stórum máttloysi.
Hóast stúranin, sorgin og máttloysið kunnu upplivast ymiskt, so kann tað, at vera saman við øðrum í somu støðu, geva kensluna av felagsskapi, sum kann sissa, kveikja vón og styrkja foreldrini í sváru støðuni.
Skeiðleiðari verður Inge Kaldhal.
Tað er umráðandi at tit boða frá um tit ynskja at luttaka á skeiðnum, hetta fyri at vita hvussu nógv pláss vit skulu hava á hotellinum. Freistin at boða frá luttøku er mánadagin 4. september kl. 12.00. Send okkum eini boð á kmf@krabbamein.fo ella ring á telefon 317959.
Skeiði er ókeypis
