Tíðindi

Yvirskipað hagtøl fyri Norðurlond vísa, at títtleikin av staðfestum krabbameinstilburðum er hækkaður eitt vet frá 2022 til 2023, meðan deyðatíttleikin samstundis er lækkaður. Tað vísa júst kunngjørd tøl fyri 2023 hjá NORDCAN, norðurlendska dátugrunninum fyri krabbameinshagtøl.

Qigong venjingarnar hjá Krabbameinsfelagnum fara nú í summarfrí, men tú hevur enn møguleikan at melda teg til Qigong, í Havn ella í Klaksvík, í heyst.

UNDIRVÍSING: Tað hevur manglað leingi, og nú er tað endiliga her. Lær um sorg er spildurnýtt undirvísingartilfar á føroyskum, sum er ætlað næmingum í 1.-6. flokki í fólkaskúlanum. Tað eru Krabbameinsfelagið og Berin, sum hava fingið loyvi frá danska Kræftens Bekæmpelse at brúka teirra undirvísingartilfar í Føroyum, og Nám hevur týtt tilfarið til føroyskt.

Um viðrar fara vit ein gongutúr niðan á Klakk, í Klaksvík, mikudagin 11. juni kl. 17.00. Vit møtast á parkeringsøkinum hjá Tekninska skúla og koyra saman niðan á Háls, har fra vit fara til gongu. Aftaná verður ábit og drekkamunnur at fáa.

At vera varandi sjúk og fáa viðgerð fyri krabbamein kann vera sera tyngjandi og kann ávirka alla tilveruna. Viðgerðin hevur hjáárin við sær, og sálarliga kann tað eisini vera torført. Tú kanst óttast, hvussu alt fer at ganga, um viðgerðin fer at hjálpa o.s.fr. Hetta eru sera vanligir spurningar.

Netverksbólkurin er fyri teg, sum er avvarðandi til ein sum hevur ella hevur havt krabbamein. Í bólkinum fært tú møguleika at deila tankar, kenslur og royndir við onnur avvarðandi.

Dámar tær væl at binda? So er hetta kanska nakað fyri teg. Hósdagin 19. juni kl. 18.00 skipar vit aftur fyri bindihugna fyri allar kvinnur, ið hava ella hava havt krabbamein. Tær nýtist hvørki at duga ella tíma at binda fyri at vera við, bara tú hevur hug at vera saman við øðrum, sum hava uppliva tað sama sum tú.

Sunnukvøldið 26. oktober 2025 verður stóra landinnsavningin hjá Krabbameinsfelagnum Saman um krabbamein send beinleiðis í sjónvarpinum.

Qiong venjingar fyri fólk, ið eru varandi sjúk av krabbameini og fólk, sum hava seinárin av krabbameinssjúku og viðgerð, byrjar í Klaksvík týsdagin 3. juni.

Síðsta hjálp gevur tær vitan og førleikar um, hvussu tú sum avvarðandi kann vera um og stuðla einum, sum er doyggjandi.

At vera ungur og hava krabbamein kann vera sera tyngjandi og kann ávirka alla tilveruna. Viðgerðin hevur ofta hjáárin og seinfylgjur við sær, og sálarliga kann tað eisini vera torført. Tú kanst óttast, hvussu alt fer at ganga, um viðgerðin fer at hjálpa o.s.v Hetta eru sera vanligir spurningar.