Útsett vegna forfall! Prostatabólkurin skipar fyri hugnaløtu
Eirikur Ó. Simonsen, formaður í Prostatabólkinum
ÚTSETT vegna forfall!!
Bólkurin fyri menn, sum hava ella hava haft prostatakrabba, bjóðar til hugnaløtu
Prostatabólkurin hjá Krabbameinsfelagnum bjóðar øllum monnum, sum hava ella hava havt krabbamein í prostata til eina hugnaløtu og tit eru vælkomnir at taka makan við.
Hugnaløtan verður í staðin mikukvøldið 13. mars 2019 kl. 19.00 - 21.00 í hølunum hjá Krabbameinsfelagnum, Grønlandsvegur 58, 100 Tórshavn.
Á skránni verður drekkamunnur, prát og hugnalig samvera, umframt at vit fáa vitjan av sálarfrøðinginum Helga Rasmussen, ið ferð at hugleiða um tá menn brádliga møta álvarsligum mótburði, so sum hættisligari sjúku t.d. krabba í prostata – eisini kemur hann inn á støðuna hjá avvarðandi.
Tá krabbamein rakar er vanligt at hava nógvar spurningar. Tørvurin á upplýsing, vitan, stuðli og hjálp kann vera stórur. Tað er gott at fáa nógva og góða hjálp frá familju, vinum og fakfólki. Okkara royndir vísa, at tað harafturat hjálpir at hitta og koma saman við øðrum í somu støðu og sum hava kent sjúkuna á egnum kroppi. At fáa eitt prát, stuðla og hjálpa hvør øðrum og í fullum trúnaði práta um tað, ið man hevur til felags og eisini um tað, ið kann vera torført og tungt at bera.
Um tú ynskir at luttaka, vinarliga boða okkum frá í seinasta lagi týsdagin 5. mars kl. 15.00 á 317959 ella á teldupost: kmf@krabbamein.fo